Ótken jıldıń sentyabr ayınan baslap Ózbekstanda Antiplag.uz sisteması tolıq iske túsirildi.

Antiplag.uz – Ózbekstandaǵı tekstli plagiatlardı anıqlaw boyınsha dáslepki hám eń jaqsı sistema bolıp tabıladı. Plagiatqa qarsı gúresiw ushın bul sistema járdeminde jasalma intellektke tiykarlanǵan quramalı algoritmler járdeminde plagiat, qayta tákirarlanǵan hám mazmunı jaǵınan ózlestirilgen tekstlerdi anıqlawǵa boladı.

Antiplag.uz paydalanıwshılarǵa óz avtorlıq huqıqın qorǵawǵa járdem beredi. Yaǵnıy diplomlar, dissertaciyalar, ilimiy maqalalar hám hár qıylı esaplardaǵı tikkeley kóshiriw jaǵdayların anıqlap, avtorlıq huqıqlarınıń buzılmawın támiyinleydi.

Sistemanıń baslı maqseti – bilimlendiriw tarawındaǵı kontentlerdiń originallıǵın úgit-násiyatlawdan ibarat bolıp esaplanadı.

Islam Matekov,
Qaraqalpaqstan xabar agentligi.