Hárizgi waqıtta ámeliyat dáwirinde bolǵan Anıq hám tábiyǵıy pánlerdi oqıtıw metodikası (fizika hám astronomiya) qánigeligi 2-basqısh magistrantları basshılıǵında Fizika-matematika fakulteti fizika hám astronomiya tálim baǵdarı student-jasları arasında «Jas fizikler bellesiwi» atamasında tańlaw bolıp ótti.

Tańlawǵa «Eynshteyn», «Nyuton», «Plank», «Kopernik» komandaları belsene qatnastı.

Tańlaw Nawrız bayramı qarsańında bolıp ótip atırǵanlıǵı sebepli student-jaslar tárepinen tayarlanǵan milliy úrp-ádetlerimiz sáwlelengen qızıqlı saxnalıq kórinisler, qosıqlar hám ushırma sóz sheberleri aytısları kórsetip ótildi.

Tańlaw juwmaǵı boyınsha «Nyuton» komandası I orındı, «Kopernik» komandası II orındı, «Plank» komandası III orındı iyeledi.

Tańlawdı bahalap barǵan professor-oqıtıwshılar jaslardıń belsendiligin, tańlawǵa tayarlıqların hám magistrantlardıń shólkemlestiriwshilik qábiletlerin ayrıqsha tilge alıp ótti.

Tańlaw juwmaǵı boyınsha sıylı orındı iyelegen komandalarǵa estelik sawǵaları hám diplom, húrmet jaqlıqları tapsırıldı.