Usı jıldıń 1-7-aprel kúnleri aralıǵında Ándijan qalasında voleybol boyınsha hayal-qızlar saylandı komandaları arasında XXIX Ózbekstan chempionatınıń úshinshi tur oyınları bolıp ótti.

Onda Qaraqalpaqstan Respublikası atınan qatnasıp atırǵan Ájiniyaz atındaǵı Nókis mámleketlik pedagogikalıq institutınıń hayal-kızlar saylandı komandası dáslepki oyında Xorezm, al kelesi oyınlarda Samarqand hám Jizzaq wálayatlarınıń saylandı komandaların birdey – 3:0 esabında jeńip shıqtı.

Solay etip, NMPI komandası úshinshi turdıń nátiyjelerine muwapıq jámi 30 upay menen chempionatta kárwanbasılıq etpekte.

Ekinshi orındı Ándijan (27 upay), al úshinshi orındı Namangan wálayatınıń 3-sektor komandası (25 upay) iyelep turıptı.

Maǵlıwmat ornında atap ótiw kerek, chempionattıń tórtinshi tur oyınları usı jıldıń 2-8-may kúnleri aralıǵında paytaxtımız Nókis qalasında bolıp ótiwi jobalastırılǵan.

Sportshılarımızdı jarıslarǵa sport veteranı Azat Kazakov tayarladı.

NMPI baspasóz xızmeti.