Ózbekstan Respublikası Ministrler Kabinetiniń 2020-jıl 23-iyundaǵı 402-sanlı qararına muwapıq, járdemge mútáj shańaraqlardaǵı hayal-qızlarǵa joqarı oqıw orınlarına kiriwde mámleketlik grant tiykarında qabıllaw sheńberindegi tańlawda qatnasıw ushın usınısnama beriledi.

Usınısnama tómendegi kriteriyalar tiykarında beriledi:

– kem támiyinlengen shańaraqlardaǵı hayal-qızlar;

– tolıqsız shańaraqta tárbiyalanıp atırǵan, yaǵnıy ákesi yamasa anası ya bolmasa olardıń ekewi de qaytıs bolǵan sociallıq qorǵawǵa mútáj qızlar;

– ómirlik joldası qaytıs bolǵan, erjetpegen perzentin jalǵız tárbiyalap atırǵan sociallıq qorǵawǵa mútáj hayallar;

– mayıp perzenti bar járdemge mútáj shańaraqlardaǵı hayal-qızlar;

– 2 hám onnan aslam perzentin tárbiyalap atırǵan, jaqın aǵayinlerinen bólek jasap atırǵan jalǵız hayallardıń qız perzentleri;

– ata-analarınıń biri yamasa hár ekewi de I yamasa II topar mayıplıǵı bolǵan járdemge mútáj shańaraqlardaǵı hayal-qızlar.

Usınısnama alıw ushın rayon (qala)lıq máhálle hám shańaraqtı qollap-quwatlaw bólimlerine elektron tárizde múrájat etiledi.

Xabibulla Ibadullaev,
QMU málimleme xızmeti hám jámiyetshilik penen baylanıslar tálim baǵdarınıń 2-kurs studenti.