Búgin, 6-may kúni Ájiniyaz atındaǵı Nókis mámleketlik pedagogikalıq institutınıń sport maydanshasında barlıq fakultetlerde oqıp atırǵan student-qızlar arasında sporttıń mini futbol túri boyınsha «Rektor kubogı» jarısı bolıp ótti.

Jarısqa hár bir fakultetten qızlar saylandı komandaları qatnastı.

Qızǵın túrde ótken jarıs juwmaǵında Dene mádeniyatı fakulteti qızlar saylandı komandası 1-orındı iyelep, mini futbol boyınsha «Rektor kubogı» jeńimpazı boldı.

2-orın Pedagogika fakulteti, al 3-orın Fizika-matematika fakulteti qızlar komandalarına nesip etti.

Jarıstıń sıylıqlaw máresiminde sózge shıqqanlar bunday jarıslar student-qızlar arasında salamat turmıs tárizin úgit-násiyatlaw, olardıń bos waqıtların mazmunlı ótkeriw menen birgelikte, olar arasında doslıq ortalıǵın bekkemlew, institut saylandı komandasına rezerv sportshılardı qáliplestiriwge xızmet etetuǵınlıǵın atap ótti.

Jeńimpaz hám sıylı orın iyelerine «Rektor kubogı», medallar, diplom hám estelik sawǵaları tapsırıldı.

NMPI baspasóz xızmeti.