Házirgi waqıtta jaslar tárbiyası strategiyalıq milliy tiykarǵı baǵdar sıpatında hár qıylı puqaralıq jámiyetiniń institutları hám mákemeleriniń birgeliktegi háreketlerin birlestiriwdi talap etpekte.

Ózbekstan Respublikası xalıq bilimlendiriw sistemasın 2030-jılǵa shekem rawajlandırıw koncepciyasında atap ótilgenindey, bilimlendiriw tarawına zamanagóy málimleme-kommunikaciyalıq texnologiyalardı hám innovaciyalıq joybarlar engiziw áhmiyetli wazıypalardıń birine aylanbaqta.

Usı maqsetlerden kelip shıǵıp, Ájiniyaz atındaǵı Nókis mámleketlik pedagogikalıq institutında Qaraqalpaqstan Respublikası prokuraturası hám basqa da joqarı oqıw orınları, birge islesiwshi shólkemler menen birgelikte ulıwma bilim beriw mektepleriniń oqıwshıları ushın bilimlendiriw sistemasında kino-sabaqlardı islep shıǵıw boyınsha jumıslar ámelge asırılmaqta.

Bunda instituttıń tájiriybeli professor-oqıtıwshılarınan ibarat jumısshı topar aǵzaları balalardıń psixologiyası, is-háreketleri, minez-qulqı, átirapındaǵılar menen qarım-qatnası boyınsha ózleriniń bahalı pikir-usınısların berip, kino-sabaqlardıń sapalı bolıp tayarlanıwına úleslerin qospaqta.

NMPI baspasóz xızmeti.