Institutta pitkeriwshi kurs studentleriniń jumıs beriwshi rayon hám qalalıq xalıq bilimlendiriw, sonday-aq, mektepke shekemgi bilimlendiriw bólimleri wákilleri menen ushırasıwı bolıp ótti.

Usı jılı instituttı 2101 pitkeriwshi, sonnan 24 bakalavr tálim baǵdarı boyınsha 1744, 20 magistratura qánigeligi boyınsha 357 student pitkeriwi kútilmekte.

Bilimlendiriw xızmetleri bazarında marketing jumısları úzliksiz ámelge asırılıp, jas qánigelerge jumıs beriwshiler tárepinen bolǵan talapların anıqlaw maqsetinde jergilikli hákimiyatlar, aymaqlıq kárxanalar hám shólkemler menen baylanıslar ornatıldı, pitkeriwshilerdi jumısqa jaylastırıw boyınsha kadrlar buyırtpashıları menen sheriklik shártnamaları dúzildi.

Ámelge asırılǵan jumıslar nátiyjesinde bakalavr tálim baǵdarların mámleketlik grant tiykarında pitkeriwshi 491 studenttiń barlıǵı, kontrakt tiykarında pitkeriwshi 1253 studentten 467 pitkeriwshi, sonday-aq, magistratura qánigeliklerin mámleketlik grant tiykarında pitkerip atırǵan 36 magistranttıń barlıǵı, tólemli kontrakt tiykarında pitkeriwshi 321 studentten 161 pitkeriwshi jumıs beriwshiler menen úsh tárepleme shártnamalar dúzdi hám pitkeriwshi jas kadrlarga jumıska jaylasıwı ushın institut tárepinen jollamalar berildi.

Ushırasıwda pitkeriwshiler ózlerin qızıqtırǵan sorawlarǵa juwaplar aldı.