Ájiniyaz atındaǵı Nókis mámleketlik pedagogikalıq institutında Shet tilleri fakultetiniń shólkemlestiriwinde «Филология: от теории к практике» atamasındaǵı respublikalıq ilimiy-ámeliy konferenciya bolıp ótti.

Konferenciyanı instituttıń ilimiy isler hám innovaciyalar boyınsha prorektorı M.Jalelov ashıp berdi.

Konferenciyanıń ashılıw plenarlıq májilisin basqarıp barǵan fakultet dekanı I.Dilmanov atap ótkenindey, konferenciyanıń maqseti, til bilimi hám ádebiyattanıw iliminde sheshimin kútip turǵan mashqalalarǵa tiyisli juwap tabıw, sonday-aq, jaslardı ilimiy hám innovaciyalıq jumıslarǵa tartıw arqalı mámleketlik jaslar siyasatın ámelge asırıw hám jergilikli aymaqtıń ekonomikalıq rawajlanıwı sıyaqlı strategiyalıq máselelerdi kún tártibine alıp shıǵıwdan ibarat.

Konferenciyada professor Q.Qochanovtıń «О необходимости коренных изменений в обучении русскому языку в Республике Каракалпакстан», A.Xodjaniyazovanıń «История развития методики преподавания русского языка в Республике Каракалпакстан», E.Eshniyazovanıń «Особенности технологии развития критического мышления», institut 1-kurs magistrantları B.Amanbaevtıń «Здоровье детей дошкольного возраста – залог здоровья всего народа», D.Munnıń «Особенности стиля и языка Дины Рубиной», rus tili hám ádebiyatı tálim baǵdarı 4-kurs studenti M.Mubarakovtıń «Особенности изображения мужских образов в рассказах В. Распутина» atamalarındaǵı bayanatları tıńlandı.

Konferenciya óz jumısın sekciyalarda dawam ettirdi.