2022-2023-oqıw jılı ushın maqsetli qabıllaw parametrleri hám qabıllaw parametrleriniń tiller kesimindegi bólistiriliwi Mámleketlik test orayınıń my.dtm.uz saytına jaylastırıldı. Bul haqqında oraydıń málimleme xızmeti xabar berdi.

Bunnan bılay abiturientler my.dtm.uz saytınıń «Joqarı oqıw orınlarınıń bakalavriatına qabıllaw» bólimi arqalı pánler kompleksi hám izbe-izligi birdey bolǵan besewge shekemgi bakalavriat tálim baǵdarın saylawı múmkin.

Esletip ótemiz, abiturientlerdi dizimge alıw usı jıldıń 20-iyulına shekem (20-iyul kúni de) dawam etedi. Shet tilinen kásiplik (dóretiwshilik) imtixan ótkeriletuǵın bakalavriat tálim baǵdarlarına dizimge alıw bolsa 10-iyulǵa shekem (10-iyul kúni de) ámelge asırıladı.

Usı waqıt aralıǵında abiturientler óz maǵlıwmatların ózgertiwi hám shet tilinen milliy yamasa xalıqaralıq sertifikatqa iye bolatuǵın bolsa, sertifikat maǵlıwmatların sistemaǵa kirgiziwi múmkin.

NMPI baspasóz xızmeti.