2022-2023-oqıw jılı ushın Ájiniyaz atındaǵı Nókis mámleketlik pedagogikalıq institutınıń ayrıqsha qábilet talap etiletuǵın bakalavriat tálim baǵdarlarına ótkeriletuǵın kásiplik (dóretiwshilik) imtixanlar kestesi járiyalandı.

60111300 – Muzıkalıq tálim, 60112200 – Dene mádeniyatı (sonıń ishinde, hayal-qızlar sportı), sonday-aq, 60111200 – Súwretlew óneri hám injenerlik grafikası tálim baǵdarlarınıń kúndizgi jáne sırtqı, qaraqalpaq, ózbek hám rus toparları ushın kásiplik (dóretiwshilik) imtixanlar 2022-jıldıń 1-9-avgust kúnleri aralıǵında ótkeriliwi belgilendi.

60111300 – Muzıkalıq tálim baǵdarı boyınsha kásiplik (dóretiwshilik) imtixanlar Nókis qalası, P.Seytov kóshesi nomersiz jayda jaylasqan NMPI bas imaratınıń kishi májilisler zalında (burınǵı Gidromelioraciya kolledji) saat 08:30 dan 18:30 ǵa shekem;

60112200 – Dene mádeniyatı tálim baǵdarı boyınsha kásiplik (dóretiwshilik) imtixanlar Nókis qalası, P.Seytov kóshesi №12 jayda jaylasqan burınǵı Pedagogikalıq kolledjdiń sport maydanshasında;

60111200 – Súwretlew óneri hám injenerlik grafikası tálim baǵdarı boyınsha kásiplik (dóretiwshilik) imtixanlar Nókis qalası, P.Seytov kóshesi nomersiz jayda jaylasqan NMPI bas imaratında (burınǵı Gidromelioraciya kolledji) saat 09:00 den 10:30 ǵa shekem hám 14:00 den 15:30 ǵa shekem bolıp ótedi.

Esletpe! Kásiplik (dóretiwshilik) imtixanlarǵa qatnasatuǵın abiturientler ózleri menen birge puqaralıq pasportı yamasa ID-kartası, abiturientlerdi dizimge alıw betin alıp keliwi, sonday-aq, imtixan baslanıw waqtınan keminde 30 minut (yarım saat) aldın imtixan ótkeriletuǵın orınǵa jetip keliwi kerek.

NMPI qabıllaw komissiyası.

Kásiplik (dóretiwshilik) imtixanlar kestesin júklep alıń Kásiplik (dóretiwshilik) imtixanlar kestesi (2022-2023-oqıw jılı)