Búgin, 4-avgust kúni Ájiniyaz atındaǵı Nókis mámleketlik pedagogikalıq institutında bakalavriattıń muzıkalıq tálim baǵdarı sırtqı qaraqalpaq toparına qabıllaw ushın kásiplik (dóretiwshilik) imtixanlar ótkerilmekte.

– Men Qanlıkól rayonındaǵı 19-sanlı balalar muzıka hám kórkem óner mektebiniń baqsıshılıq bóliminde jumıs isleymen. Búgin dóretiwshilik imtixanında qatnasıp, óz bilim hám tájiriybemdi, tayarlıǵımdı kórsetiwge háreket ettim. Imtixan alıwshılar, abiturientlerge jaratılǵan sharayatlardan kewlim toldı. Barlıǵı ádil túrde ótip atır. Barlıq abiturientlerge áwmet tileymen, – deydi Nazıgúl Achilova.

Imtixanlar Internet tarmaǵı arqalı ata-analar hám keń jámiyetshilik wákillerine tikkeley alıp kórsetilmekte.

Ata-analar ushın sayalı, salqın jerlerde kútiw orınları, abiturientler ushın másláhát orayı hám medicinalıq járdem kórsetiw punktleri, sonday-aq, basqa da sharayatlar jaratılǵan.

Abiturientlerdiń bilim hám kónlikpelerin bahalaw ushın Ózbekstannıń túrli orınlarınan tájiriybeli professorlar hám qánigeler biriktirilgen.

Imtixanlar 9-avgustqa shekem dawam etedi.

NMPI baspasóz xızmeti.