Ájiniyaz atındaǵı Nókis mámleketlik pedagogikalıq institutında 2022-2023-oqıw jılı qabıllawı ushın bakalavriattıń ayrıqsha qábilet talap etiletuǵın tálim baǵdarlarına ótkergen kásiplik (dóretiwshilik) imtixanlar óz juwmaǵına jetti.

Búgin, 10-avgust kúni institutta kásiplik (dóretiwshilik) imtixanlardı ótkeriwge biriktirilgen Ózbekstan Respublikasınıń túrli aymaqlarındaǵı joqarı oqıw orınları, bilimlendiriw mákemelerinen kelgen tájiriybeli professor-oqıtıwshılar hám qánigelerge minnetdarshılıq xatları tapsırıldı.

Ilajda instituttıń oqıw isleri boyınsha prorektorı M.Jumamuratov sózge shıǵıp, 2023-oqıw jılı qabıllawı ushın bolıp ótken kásiplik (dóretiwshilik) imtixanlar joqarı shólkemleskenlik penen, ádil hám ashıq-aydın ótkenligin atap ótip, bunıń ushın óz bilim hám tájiriybeleri, kúsh-jigerin sarplaǵan pidayı qánigelerge institut jámááti hám rektoratı atınan ayrıqsha minnetdarshılıq bildirdi.

Óz gezeginde, imtixanlardıń ádil túrde ótkeriliwine úles qosqan professor-oqıtıwshılar jaratılǵan sharayatlardan kewli tolǵanlıǵın atap ótti.

NMPI baspasóz xızmeti.