Joqarı oqıw orınlarınıń bakalavriat tálim baǵdarlarına kiriw test sınaqlarında qatnasqan hám nátiyjesinen narazı bolǵan abiturientler juwmaqlawshı tańlaw nátiyjeleri járiyalanǵan kúnnen baslap 10 kún dawamında apellyaciyalıq shaǵımların jollawı múmkin boladı. Bul haqqında Mámleketlik test orayı xabar berdi.

Málim etiliwinshe, apellyaciyalıq shaǵımlar my.dtm.uz saytı arqalı abiturienttiń jeke kabinetinde onlayn tárizde qabıl etiledi.

Bunda abiturient apellyaciyalıq shaǵım jollawı ushın test sınaǵında qatnasqan hám test sınaǵınan shetletilmegen bolıwı kerek.

Apellyaciyalıq shaǵım jollaǵan abiturientlerge onı kórip shıǵıw sánesi hám waqtı kórsetilgen xabarnama beriledi.

Abiturient xabarnamada belgilengen waqıtta shaxstı tastıyıqlaytuǵın hújjet, xabarnama hám abiturient ruxsatnaması menen Mámleketlik test orayına keliwi kerek.

Qaraqalpaqstan xabar agentligi.