Búgingi kúnde elimizde jaslar tárbiyası, olardıń keleshegi, oqıp bilim alıwı, ilim menen shuǵıllanıwı húkimetlik itibardaǵı máselelerdiń biri bolıp esaplanadı.

Búgingidey globallasıw sharayatında olardı hár qıylı zıyanlı informaciyalar, ómiri hám densawlıǵına keri tásirin tiygizetuǵın illetlerdan qorǵaw, jınayatshılıq hám huqıqbuzarlıqlar profilaktikası jaslar tárbiyasındaǵı áhmiyetli máselelerdiń biri bolıp qalmaqta.

NMPI Súwretlew óneri hám texnologiyalıq tálim, Fizika-matematika, sonday-aq, Shet tilleri fakultetleri studentleri menen ótkerilgen ushırasıwlarda instituttıń profilaktikalıq inspektorları kapitan B.Masharipov hám leytenant M.Narımbetova, sonıń menen birge, dekanlardıń hayal-qızlar máseleleri boyınsha másláhátshileri, tyutorlar tárepinen jaslar arasında jınayatshılıq, huqıqbuzarlıqlardıń aldın alıw, instituttıń ishki tártip-qaǵıydalarına ámel etiw, studentler qatnasıwında jol-transport hám hár qıylı unamsız hádiyselerdiń profilaktikası máseleleri haqqında sóz boldı.