Ájiniyaz atındaǵı Nókis mámleketlik pedagogikalıq institutı Shet tilleri fakulteti rus tili hám ádebiyatı tálim baǵdarınıń studenti Gúlnura Seytjanova sporttıń qol urısı, Taekwondo WT, jiu-jitsu, ushu sıyaqlı bir neshe túrleri menen turaqlı shuǵıllanıp, Qaraqalpaqstan, Ózbekstan hám xalıqaralıq sport jarıslarında joqarı nátiyjelerdi qolǵa kirgizip kelmekte.

Úmitli sportshımız bıyılǵı jıldıń ózinde kóplegen tabıslardı qolǵa kirgizdi.

Atap aytqanda, usı jıldıń 6-8-may kúnleri Tashkent qalasında sporttıń jiu-jitsu túri boyınsha jas óspirimler, jaslar hám eresekler arasında ótkerilgen Ózbekstan chempionatında 18 jastan joqarı sportshılar arasında 70 kg salmaqta 1-orın;

21-23-may kúnleri Tashkent qalasında sporttıń ushu túri boyınsha ótkerilgen Ózbekstan chempionatında sanda baǵdarı boyınsha 18 jastan joqarı sportshılar arasında 70 kg salmaqta 1-orın;

1-4-iyul kúnleri Jizzaq qalasında sporttıń qol urısı túri boyınsha 18-21 jaslı sportshılar arasında ótkerilgen Ózbekstan chempionatında 70 kg salmaqta 1-orın;

7-9-oktyabr kúnleri Tashkent qalasında sporttıń ushu túri boyınsha ótkerilgen Ózbekstan kubogi jarısında sanda baǵdarı boyınsha 18 jastan joqarı sportshılar arasında 70 kg salmaqta 1-orındı iyeledi.

Institut rektorı Bayrambay Otemuratov Gúlnura Seytjanovanı qolǵa kirgizip atırǵan úlken tabısları menen qutlıqladı. Sonday-aq, institut tárepinen bazalıq stipendiyasına qosımsha ústemeler beriw arqalı xoshametlep barıw boyınsha juwapkerlerge tapsırmalar berdi.

NMPI baspasóz xızmeti.