17-noyabr – Xalıqaralıq studentler kúni múnásibeti menen Ájiniyaz atındaǵı Nókis mámleketlik pedagogikalıq institutınıń barlıq fakultetleri, magistratura hám sırtqı bólimlerinde oqıp atırǵan student-jaslar arasında «Zakovat» intellektual oyını shólkemlestirilip atırǵanı haqqında aldın xabar bergen edik.

Instituttıń «Ziyalı jaslar» intellektual klubı aǵzaları tárepinen ótkerilgen oyınǵa ulıwma 11 komanda qatnasıp, berilgen 20 sorawǵa ózleriniń bilim hám kónlikpeleri, tájiriybe jáne logikalıq oylaw dárejesi arqalı juwap beriwge háreket etti.

Intellektual oyın juwmaǵında 14 upay toplaǵan Tariyx fakulteti komandası 1-orın jeńimpazı boldı. 2-orındı Shet tilleri, al sıylı 3-orındı Dene mádeniyatı fakulteti komandaları iyeledi.

Jeńimpazlar hám sıylı orın iyelerine diplom jáne estelik sawǵaları tapsırıldı.

NMPI baspasóz xızmeti.