Noyabr ayı elimizde bayramlarǵa, belgili sánelerge bay bolǵan aylardıń biri. Ájiniyaz atındaǵı Nókis mámleketlik pedagogikalıq institutında 16-noyabr – Xalıqaralıq keńpeyillik kúni, 17-noyabr – Xalıqaralıq studentler kúni hám 18-noyabr – Ózbekstan Respublikasınıń «Mámleketlik bayraǵı haqqında»ǵı nızamınıń qabıl etilgen kúni bayramları múnásibeti menen mádeniy-aǵartıwshılıq ilajları bolıp ótpekte.

Institut mádeniyat sarayında ótkerilgen bayram saltanatında instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Q.Qodirov sózge shıǵıp, barlıq jıynalǵanlardı qutlıqladı.

Usı sánelerge baǵıshlanıp institutta ámelge asırılıp atırǵan jumıslar, sonday-aq, bul bayramlardıń áhmiyetine baǵıshlanǵan maǵlıwmatlardı atap ótti.

Bunnan soń instituttıń «Tumaris» qosıq hám ayaq-oyın xalıq ansambli jáne talantlı student-jaslar atqarıwındaǵı koncert baǵdarlaması jıynalǵanlardıń názerine usınıldı.

Ilajǵa institut professor-oqıtıwshıları, tyutorlar, student-jaslar hám IIM áskeriy bóliminiń múddetli áskeriy xızmetkerleri qatnastı.

NMPI baspasóz xızmeti.