Usı jıldıń 8-14-dekabr kúnleri Tashkent qalasında boks boyınsha eresekler arasında Ózbekstan chempionatı jarısları bolıp ótti.

Quwanıshlısı, jarısta 60 kilogramm salmaqta Ájiniyaz atındaǵı Nókis mámleketlik pedagogikalıq institutı Dene mádeniyatı fakultetiniń studenti Rashida Tagirova barlıq qarsılasların jeńip shıǵıp, 1-orındı iyeledi hám Ózbekstan chempionı atandı.

Búgin bolıp ótken ata-analar menen ushırasıwda Rashidanıń ata-anasına institut rektorınıń alǵısnaması hám estelik sawǵalar tapsırıldı.

Rashidanıń qolǵa kirgizgen tabısları menen qutlıqlap, aldaǵı jarıslarda da úlken nátiyjelerge erisip júriwin tileymiz!

NMPI baspasóz xızmeti.