Ájiniyaz atındaǵı Nókis mámleketlik pedagogikalıq institutı Túrkiy tiller fakulteti ózbek tili hám ádebiyatı tálim baǵdarı studentleri arasında «Ziyrek kitapqumar» tańlawı bolıp ótti.

Fakultet studentler keńesi tárepinen shólkemlestirilgen tańlaw ǵázzel múlkiniń sultanı, ullı danıshpan shayır Áliysher Nawayınıń «Hamsa» shıǵarmasınıń 540 jıllıǵına arnaldı.

Tańlawda 3-kurs studentleri «Hamsa» shıǵarmasınıń dóreliw tariyxı, mazmunı, túrkiy hám shıǵıs xalıqları ádebiyatındaǵı tutqan ornı haqqında maǵlıwmatlar beriw, soraw-juwaplar hám saxnalıq kórinis sıyaqlı shártler tiykarında sabaqlarda ózlestirgen bilim hám kónlikpelerin kórsetiwge háreket etti.

Tańlaw barısı tájiriybeli professor-oqıtıwshılar tárepinen bahalandı.

Studentlerdiń shártler boyınsha tayarlıǵı «Eń bilimli topar», «Eń jaqsı bayanat» hám «Eń jaqsı saxnalıq kórinis» sıyaqlı nominaciyalar boyınsha bahalandı.

NMPI baspasóz xızmeti.