Búgin, 16-mart kúni Ájiniyaz atındaǵı Nókis mámleketlik pedagogikalıq institutı Tariyx fakultetinde Ullı Britaniyanıń Nottingem universiteti Tariyx hám arxitektura fakultetiniń dekanı, tariyx ilimleriniń doktorı, professor Muhammad Jamal, sonday-aq, Ózbekstan Respublikası Oliy Majlisi Nızamshılıq palatasınıń deputatı L.Seytova, Qaraqalpaqstan Respublikası Joqarǵı Keńesi Baslıǵınıń mádeniyat hám ruwxıylıq máseleleri boyınsha másláhátshisi G.Izentaevalar menen ushırasıw bolıp ótti.

Ushırasıwda instituttıń Tariyx fakulteti menen aldaǵı waqıtlarda ilimiy joybarlar boyınsha birgelikte jumıslar alıp barıw, professor-oqıtıwshılar almasıwı arqalı olardıń qánigeligin arttırıw, ziyrek studentlerdiń akademiyalıq almasıw tiykarında bilimlerin jetilistiriw, magistratura hám doktorantura baǵdarlarında birge islesiwdi jolǵa qoyıw, birgelikte ilimiy seminarlar, konferenciyalardı shólkemlestiriw máseleleri boyınsha sáwbetlesiwler, pikir almasıwlar bolıp ótti.

Ushırasıwdan soń miymanlar fakultet dekanı M.Sarıbaevtıń qabıllawında bolıp, aldaǵı birge islesiw jumısları kelisip alındı.

NMPI baspasóz xızmeti.