Aldın xabar bergenimizdey, Ájiniyaz atındaǵı Nókis mámleketlik pedagogikalıq institutında Xalıqaralıq hayal-qızlar kúni múnásibeti menen «Anama xat», «Súwretlerde ana tımsalı» hám «Analar jılamasın» atamasındaǵı monolog oqıw, súwretlew óneri hám saxnalıq kórinisler tańlawları shólkemlestirilgen edi.

«Analar jılamasın» atamasında ótkerilgen saxnalıq kórinisler tańlawınıń institut basqıshında barlıq fakultetlerdegi student-jaslar komandalarǵa bólingen halda ata-analar hám perzentler arasındaǵı turmıslıq máseleler, mashqalalardı kóterip shıǵıw arqalı olardıń unamlı sheshimlerin kórsetiwge háreket etti.

Hár bir fakultettiń saxnalıq shıǵıwların tóreshiler quramı aǵzaları bahalap bardı.

Tańlaw juwmaǵında Tariyx fakulteti studentleri 1-orındı, Dene mádeniyatı fakulteti studentleri 2-orın, Shet tilleri fakultetiniń studentlerinen dúzilgen komanda 3-orındı iyeledi.

Solay etip, institutta Xalıqaralıq hayal-qızlar kúni múnásibeti menen shólkemlestirilgen joqarıda atap ótilgen barlıq tańlawlar, sonıń ishinde, «Qánekey qızlar» atamasında ótkerilgen tańlawlardıń jeńimpazları jáne sıylı orın iyeleri – 1-orın Tariyx, 2-orın Túrkiy tiller, 3-orın Baslawısh tálim, Súwretlew óneri hám texnologiyalıq tálim fakultetlerine instituttıń kásiplik awqamı komiteti tárepinen uyalı telefon, televizor hám elektr pechi sawǵaları tapsırıldı.

NMPI baspasóz xızmeti.