Ájiniyaz atındaǵı Nókis mámleketlik pedagogikalıq institutında «Jasıl mákan» ulıwma milliy joybarı sheńberinde institut oqıw imaratlarınıń átirapların abadanlastırıw hám kóklemzarlastırıw jumısları qızǵın pátlerde dawam etpekte.

Atap aytqanda, instituttıń jańadan qurılıp atırǵan bas imaratı, fakultetler átirapı, sonday-aq, studentler turaq jayı, oqıw-laboratoriyalıq kompleksleri dógereginde jasıl belbew jaratıw maqsetinde mojjevelnik, tuya, katalpa hám basqa da túrdegi dekorativ tereklerden 1 000 túp nál alıp kelindi.

Olar barlıq fakultetlerge teńdey bólistirilip, belgilengen orınlarǵa nállerdi otırǵızıw jumısları baslap jiberildi.

Bunda itibarlısı, instituttıń Tábiyǵıy pánler fakultetiniń professor-oqıtıwshıları hám tiyisli qánigeleri tárepinen dekorativ terek nállerin otırǵızıw, olardı tárbiyalaw boyınsha tiyisli jol-joba hám kórsetpeler berildi.

Institutta «Jasıl mákan» ulıwma milliy joybarı sheńberindegi jumıslar dawam etpekte.

NMPI baspasóz xızmeti.