Ájiniyaz atındaǵı Nókis mámleketlik pedagogikalıq institutında Jaslar akademiyasınıń baslıǵı A.Sobirxonovtıń Qaraqalpaqstan Respublikasındaǵı joqarı oqıw orınlarınıń belsendi jasları menen ushırasıwı bolıp ótti.

Ushırasıw sheńberinde «Mırza Ulıǵbek áwladları» respublikalıq tańlawınıń Qaraqalpaqstan Respublikası basqıshında jeńimpaz bolǵan studentlerdi sıylıqlaw ilajı.

Tańlawdıń Qaraqalpaqstan Respublikası basqıshında ulıwma 84 qatnasıwshınıń innovaciyalıq ideyalarınıń prezentaciyası bahalaw komissiyası aǵzaları tárepinen múnásip bahalanıp, tańlaw juwmaǵında 20 jeńimpaz anıqlandı.

Olar arasında NMPI magistratura bólimi fizika hám astronomiya qánigeliginiń magistrantı Z.Bazarbaev, Súwretlew óneri hám texnologiyalıq tálim fakultetiniń studenti Z.Erekeevalar jeńimpazlar qatarınan orın alıp, kelesi basqıshqa jollama aldı.

Ótkerilgen ushırasıwda Qaraqalpaqstan Respublikasındaǵı innovaciyalıq ideyalardıń qarjılandırıwǵa baǵdarlanǵan «Start4Region-2023» startap joybarlar tańlawına start berildi.

NMPI baspasóz xızmeti.