Ájiniyaz atındaǵı Nókis mámleketlik pedagogikalıq institutı delegaciyası – Oqıw metodikalıq basqarma baslıǵı A.Abdiev, Fizika-matematika fakulteti dekanı R.Jiyemuratov hám inglis tili kafedrasınıń docenti N.Jalǵasovlar usı jıldıń 22-aprel hám 11-may kúnleri aralıǵında Finlyandiyanıń bilimlendiriw sistemasın úyreniw maqsetinde usı mámlekette stajirovkada bolıp turıptı.

Ózbekstan Respublikası Prezidentiniń 2022-jıl 21-iyundaǵı «Pedagogikalıq bilimlendiriw sapasın arttırıw hám pedagog kadrlar tayarlaytuǵın joqarı bilimlendiriw mákemeleriniń jumısların bunnan bılay da rawajlandırıw ilajları haqqında»ǵı qararına muwapıq shólkemlestirilgen tájiriybe almasıw saparına Ózbekstannıń ulıwma 16 joqarı oqıw ornınan wákiller qatnaspaqta.

Institut wákilleri sapar dawamında bilimlendiriw tarawında dúnya mámleketleri ishinde joqarı nátiyjelerge erisip kiyatırǵan Finlyandiya tájiriybesin úyrenip, atap aytqanda, oqıw baǵdarlamaları, sabaqlıqlardı oqıtıw metodikaları, pedagog kadrlar tayarlaw, qayta tayarlaw hám qánigeligin jetilistiriw baǵdarında Yuvyaskyulya, Yoensuu hám Xelsinki qalalarındaǵı bilimlendiriw oraylarında ámelge asırıp atırǵan jumıslar menen tanısıp, tájiriybe almasıwı názerde tutılǵan.

Sapar barısı haqqında qosımsha maǵlıwmat beriledi.

NMPI baspasóz xızmeti.