Búgin, 4-may kúni Ájiniyaz atındaǵı Nókis mámleketlik pedagogikalıq institutı Shet tilleri fakultetinde jámiyette sociallıq salamat ortalıqtı bekkemlew hám korrupciyaǵa qarsı gúresiw boyınsha ámelge asırılıp atırǵan jumıslardı ata-analar menen birgelikte dodalaw maqsetinde ashıq esikler kúni shólkemlestirildi.

Ilaj sheńberinde ótkerilgen ushırasıwda instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov, korrupciyaǵa qarsı gúresiw «Komplaens qadaǵalaw» sistemasın basqarıw bólimi baslıǵı Palmurza Xojabekov sózge shıǵıp, jámiyette korrupciyaǵa qarsı salamat ruwxıy ortalıqtı engiziw, adamlardı korrupciyaǵa baǵdarlaytuǵın jaǵdaylardı saplastırıw, bunda tálim-tárbiyaǵa joqarı dárejede dıqqat awdarıw házirgi waqıtta kópshilik mámleketler tárepinen korrupciyanıń aldın alıwda eń durıs jol dep bahalanıp atırǵanın atap ótti.

Sonday-aq, institutta bul baǵdarda islenip atırǵan jumıslar haqqında maǵlıwmat berip, ata-analardı birge islesiwge shaqırdı.

Ushırasıwda belsendi studentlerge húrmet jarlıqları tapsırıldı.

NMPI baspasóz xızmeti.