Ájiniyaz atındaǵı Nókis mámleketlik pedagogikalıq institutında Ózbekstan Qaharmanı, fizika-matematika ilimleriniń doktorı, akademik, V.I.Romanovskiy atındaǵı Matematika institutınıń direktorı Shavkat Ayupov penen ushırasıw bolıp ótti.

Ushırasıwǵa instituttıń Fizika-matematika fakultetiniń ziyrek studentleri, magistrantlar, doktorantlar hám professor-oqıtıwshılar qatnastı.

Ilajda elimizde bilimlendiriwge, sonıń ishinde, matematika ilimin bunnan bılay da rawajlandırıwǵa qaratılıp atırǵan ayrıqsha itibar, tarawda ámelge asırılıp atırǵan reformalardıń áhmiyeti jáne nátiyjeliligi haqqında keń túrde maǵlıwmatlar berildi.

Akademik ushırasıw barısında jaslarǵa ilim menen shuǵıllanıw, ásirese, matematika ilimi menen shuǵıllanıp, joqarı nátiyjelerge erisiw ushın óziniń qımbatlı másláhátlerin, pikir-usınısların bildirdi.

Qatnasıwshılar ózlerin qızıqtırǵan sorawlarına juwaplar aldı.

NMPI baspasóz xızmeti.