Ájiniyaz atındaǵı Nókis mámleketlik pedagogikalıq institutında Ózbekstan Respublikası Joqarı bilimlendiriw, ilim hám innovaciyalar ministriniń birinshi orınbasarı Komiljon Karimovtıń bir qatar professor-oqıtıwshılar, sonday-aq, tiyisli taraw juwapkerleri menen ushırasıwı bolıp ótti.

Ilajǵa respublikamızda jumıs alıp barıp atırǵan joqarı oqıw orınları hám olardıń filiallarınıń wákilleri qatnastı.

Ushırasıwda ministrdiń birinshi orınbasarı elimizde sońǵı jıllarda joqarı bilimlendiriwdi sapalıq jaqtan jańa basqıshqa kóteriw, ilimiy-izertlewlerdiń nátiyjelerin ámeliyatqa engiziw, innovaciyalıq ideyalardı hám joybarlardı turmısqa engiziwdi qollap-quwatlaw baǵdarında ámelge asırılıp atırǵan reformalardıń ámeliy nátiyjeleri haqqında atap ótti.

Ushırasıw barısında joqarı oqıw orınlarınıń professor-oqıtıwshıları hám tiyisli juwapker qánigeleri ministrdiń birinshi orınbasarı Komiljon Karimovqa oqıw procesi, ilimiy-izertlewler hám basqa da baǵdarlar boyınsha sorawların, pikir-usınısların bildirdi.

NMPI baspasóz xızmeti.