Búgin, 21-iyul kúninen Ájiniyaz atındaǵı Nókis mámleketlik pedagogikalıq institutınıń 60111800 – Shet tili hám ádebiyatı: inglis tili tálim baǵdarına hújjet tapsırǵan abiturientler ushın shet tilinen kásiplik (dóretiwshilik) imtixanınıń jazba bólimi baslandı.

Imtixan barısında abiturientler tıńlap túsiniw, oqıw hám jazba jumıs boyınsha ózleriniń bilim hám kónlikpelerin sınaqtan ótkermekte.

Imtixanlar eki smenada – 08:00 hám 15:00 de shólkemlestirilmekte.

Shet tilinen kásiplik (dóretiwshilik) imtixan Bilim hám mamanlıqtı bahalaw agentligi tárepinen ámelge asırılmaqta.

Imtixanlar 23-iyulǵa shekem dawam etiwi belgilengen.

NMPI baspasóz xızmeti.