Búgin, 27-iyul kúni Ájiniyaz atındaǵı Nókis mámleketlik pedagogikalıq institutınıń 60112200 – Dene mádeniyatı tálim baǵdarı kúndizgi qaraqalpaq hám ózbek toparları ushın 100 hám 1 000 metr aralıqqa juwırıw boyınsha kásiplik (dóretiwshilik) imtixanlar bolıp ótti.

Imtixanlardıń ashıq-aydın hám ádil túrde ótiwin ata-analar hám jámiyetlik shólkemlerdiń wákilleri menen birge Qaraqalpaqstan Respublikası Joqarǵı Keńesiniń deputatları tárepinen de qadalaǵanıp barıldı.

Imtixanlarda abiturientler ózleriniń tayarlıqları hám sport sheberliklerin kórsetiwge háreket etti.

NMPI baspasóz xızmeti.