Búgin, 28-iyul kúni Ájiniyaz atındaǵı Nókis mámleketlik pedagogikalıq institutınıń 60112200 – Dene mádeniyatı: sonıń ishinde, hayal-qızlar sportı tálim baǵdarınıń qaraqalpaq, ózbek hám rus toparlarına hújjet tapsırǵan abiturientler qatnasıwında kásiplik (dóretiwshilik) imtixanları bolıp ótti.

Imtixan baǵdarlamasına muwapıq, abiturientler 100 hám 1 000 metr aralıqqa juwırıw boyınsha ózleriniń fizikalıq imkaniyatları hám tayarlıqların sınaqtan ótkerdi.

Abiturientlerdiń imtixan tapsırıw procesi Shaxrisabz mámleketlik pedagogikalıq institutı hám Qarshı mámleketlik universitetinen kelgen tájiriybeli professor-oqıtıwshılar tárepinen bahalap barıldı.

Kásiplik (dóretiwshilik) imtixanınıń ashıq-aydın hám ádil túrde ótiwi abiturientlerdiń ata-anaları, sonday-aq, jámiyetlik shólkemlerden kelgen wákiller tárepinen qadaǵalap barıldı.

NMPI baspasóz xızmeti.