#Qabıllaw_2023

🏛Búgin, 1-avgust kúni 2023-2024-oqıw jılı ushın joqarı oqıw orınlarına kiriw test sınaqları baslandı.

📌 Test sınaqları kúnine eki smenada:

1️⃣-smenada 08:00 den 11:00 ge shekem;
2️⃣-smenada 15:00 den 18:00 ge shekem bolıp ótedi.

Respublikalıq oyın túrleri hám jeńil atletika boyınsha qánigelestirilgen balalar hám jas óspirimler sport mektebinde abiturientler test sınaqlarına qatnaspaqta.

Bul jerde Ájiniyaz atındaǵı Nókis mámleketlik pedagogikalıq institutı tárepinen abiturientlerdiń ata-anaları ushın kútiw orınları, test procesin onlayn baqlaw imkaniyatı, sonday-aq, basqa da zárúr sharayatlar jaratıldı.

Sonıń menen birge, ata-analardıń test procesi haqqındaǵı pikirlerin úyreniw maqsetinde institut volontyorları tárepinen sociologiyalıq sorawnamalar ótkerildi.

NMPI baspasóz xızmeti.