Búgin, 14-avgust kúni 2023-2024-oqıw jılı ushın sırt el hám mámleketlik emes joqarı oqıw orınlarınan Ájiniyaz atındaǵı Nókis mámleketlik pedagogikalıq institutınıń kiriw sınaqları quramında kásiplik (dóretiwshilik) imtixan bolǵan bakalavriat tálim baǵdarlarına oqıwdı kóshiriw boyınsha dizimnen ótken puqaralar ushın kásiplik (dóretiwshilik) imtixanlar bolıp ótti.

Kásiplik (dóretiwshilik) imtixanlar ayrıqsha qábilet talap etiletuǵın bakalavriat tálim baǵdarlarına kiriw imtixanları baǵdarlaması hám bahalaw kriteriyaları tiykarında ámelge asırıldı.

Súwretlew óneri hám injenerlik grafikası, muzıkalıq tálim hám dene mádeniyatı tálim baǵdarları boyınsha ótkerilgen imtixanlardıń barısı jámiyetlik shólkem wákilleri, sonday-aq, instituttıń Korrupciyaǵa qarsı gúresiw «Komplaens-qadaǵalaw» sistemasın basqarıw bólimi wákilleri tárepinen qadaǵalap barıldı.

Esletip ótemiz, sırt el hám mámleketlik emes joqarı oqıw orınlarınan oqıwdı kóshiriw boyınsha test imtixanları usı jıldıń 16-avgust kúni ótkeriledi. Bul haqqında talabanlar ózleriniń jeke kabinetleri arqalı tolıq maǵlıwmatqa iye bolıwı múmkin.

NMPI baspasóz xızmeti.