Bunnan bılay 2023-2024-oqıw jılı qabıllawında studentlikke usınıs etilgen barlıq abiturientler mámleketlik joqarı oqıw orınlarınıń studentler turaq jayına ornalasıw ushın Mámleketlik xızmetler orayı yamasa Birden-bir interaktiv mámleketlik xızmetler portalı – my.gov.uz arqalı elektron arza jiberiwi múmkin.

Eskertip ótemiz, bul xızmetten 2023-2024-oqıw jılı ushın mámleketlik joqarı oqıw orınlarına kiriw test sınaqlarınıń juwmaqlawshı nátiyjeleri (mandat) járiyalanǵannan soń paydalanıw múmkin boladı. Sebebi, platformada 1-kurs studentleri haqqındaǵı maǵlıwmatlar 2023-jıldıń qabıllaw parametrlerine muwapıq mandat nátiyjeleri tiykarında jańalanadı.

Maǵlıwmat ornında atap ótiw kerek, bul xızmet 2023-jılǵı Mámleketlik baǵdarlamada belgilengen wazıypalardıń orınlanıwın támiyinlew maqsetinde Ministrler Kabinetiniń 376-sanlı qararı tiykarında tastıyıqlanǵan Ustavqa muwapıq iske qosıldı.

NMPI baspasóz xızmeti.