Búgin, 23-avgust kúni Ájiniyaz atındaǵı Nókis mámleketlik pedagogikalıq institutında 2023-2024-oqıw jılı ushın ekinshi hám onnan keyingi joqarı bilimlendiriwge sırtqı hám keshki tálim baǵdarlarına qabıllaw ushın imtixanlar baslandı.

Imtixanlar eki smenada:

1-smena – saat 08:30 da;

2-smena – saat 14:30 da bolıp ótpekte.

Talabanlar ayrıqsha qábilet talap etiletuǵın tálim baǵdarları – súwretlew óneri hám injenerlik grafikası, muzıkalıq tálim hám dene mádeniyatı boyınsha kásiplik (dóretiwshilik), al basqa tálim baǵdarlarınan test imtixanların tapsırmaqta.

Test sınaqları eki pánnen 30 sorawdan, ulıwma 60 sorawdan ibarat bolıp, bunda 1-pánniń hár bir durıs juwabı ushın 3,1 ball, al 2-pánniń hár bir durıs juwabı ushın 2,1 balldan esaplanadı.

Test sınaqları hám kásiplik (dóretiwshilik) imtixanlarda toplaw múmkin bolǵan maksimal ball – 156 balldı quraydı.

Esletip ótemiz, Ájiniyaz atındaǵı Nókis mámleketlik pedagogikalıq institutında 2023-2024-oqıw jılı ushın ekinshi hám onnan keyingi joqarı bilimlendiriwge:

– sırtqı bilimlendiriw formasına ulıwma 16 tálim baǵdarı boyınsha tólemli kontrakt tiykarında 445 orın;

– keshki bilimlendiriw formasına ulıwma 4 tálim baǵdarı boyınsha tólemli kontrakt tiykarında 40 orın ajıratıldı.

NMPI baspasóz xızmeti.