Búgin, 29-avgust kúni Ájiniyaz atındaǵı Nókis mámleketlik pedagogikalıq institutında xojalıq bólimi, sonday-aq, fakultetler hám kafedralarda miynet etip atırǵan texnik xızmetkerler, laborantlardıń perzentleri ushın jańa oqıw jılına bayram sawǵaları tapsırıldı.

Instituttıń kásiplik awqamı komiteti tárepinen 250 den aslam xızmetkerlerdiń perzentlerine ishinde onnan aslam túrde oqıw hám keńse buyımları bolǵan sumkalar tayarlandı.

Ilajda institut rektorı wazıypasın waqıtsha atqarıwshısı Quvondiq Qodirov sózge shıǵıp, jıynalǵanlardı Ózbekstan Respublikası Ǵárezsizliginiń 32 jıllıq bayramı hám jańa oqıw jılınıń baslanıwı menen qutlıqladı.

Óz gezeginde, institut xızmetkerleri bayram qarsańında kórsetilip atırǵan usınday itibar hám ǵamqorlıqlar ushın institut rektoratı hám kásiplik awqamı komitetine minnetdarshılıǵın bildirdi.

Bayram sawǵaların alǵan balalar da bir dúnya quwanıshqa bólendi.

NMPI baspasóz xızmeti.