Usı jıldıń 11-sentyabr kúni Ájiniyaz atındaǵı Nókis mámleketlik pedagogikalıq institutınıń kishi májilisler zalında «Yuksalish» ulıwma milliy háreketi Qaraqalpaqstan Respublikası aymaqlıq bólimi baslıǵı, Qaraqalpaqstan Respublikası Ministrler Keńesi Baslıǵınıń keńesgóyi, Joqarǵı Keńes deputatı Tájibay Romanov penen ushırasıw bolıp ótti.

Oǵan instituttıń ilimiy isler hám innovaciyalar boyınsha prorektorı R.Eshmuratov, sonday-aq, instituttıń basshı xızmetkerleri, fakultet dekanları, professor-oqıtıwshılar hám student-jaslar qatnastı.

Ilajda tiykarınan korrupciyalıq illetlerge qarsı gúresiw máseleleri haqqında sóz boldı.

Ushırasıwda korrupciya ekonomikamızdıń rawajlanıwı, qolaylı isbilermenlik hám investiciyalıq ortalıqtı jaratıwda eń úlken tosıqlardan biri ekenligi, oǵan qarsı gúresiwge hár bir puqara ıqtıyarlı túrde belsene qatnasıwı zárúr ekenligi atap ótildi.

Sonday-aq, aldaǵı waqıtları korrupciyalıq jaǵdaylardıń aldın alıw boyınsha instituttıń korrupciyaǵa qarsı gúresiw «Komplaens-qadaǵalaw» sistemasın basqarıw bólimi baslıǵı P.Xojabekov tárepinen tayarlanǵan bir qatar usınıslar tıńlandı.

Ushırasıw sońında professor-oqıtıwshılar hám student-jaslar arasında «Ózbekstanda antikorrupciyalıq laboratoriya» joybarı sheńberindegi socialogiyalıq sorawnama ótkerildi.

Bekbergen Ádilbaev,

NMPI Fizika-matematika fakultetiniń studenti.