Ájiniyaz atındaǵı Nókis mámleketlik pedagogikalıq institutınıń student-jasları hám pedagog xızmetkerleri ushın «Ibrat perzentleri» hám «Keleshek kásipleri» joybarları, sonday-aq, liderlik qábiletin rawajlandırıwǵa baǵdarlanǵan oqıw seminarı shólkemlestirildi.

Kórgizbeli ámeliy seminarda Jaslar isleri agentligi Qaraqalpaqstan Respublikası basqarması hám Joqarı bilimlendiriw, ilim hám innovaciyalar ministrligi menen birgelikte shet tillerin biypul úyretiwge baǵdarlanǵan «Ibrat Academy» mobil qosımshası haqqında jaslarǵa keńnen túsinikler berildi.

Bul mobil qosımsha arqalı qálewshiler 13 ten aslam shet tillerin tez jáne ańsat úyreniw múmkinshiligine iye boladı.

Mobil qosımsha arqalı qálegen waqıtta, qálegen jerde ózińizge kerek bolǵan shet tillerin heshqanday tólemlersiz biypul úyreniw imkaniyatı bar.

Qosımshanıń jáne bir qolaylı tárepi ol qaraqalpaq tilinde de islep shıǵılǵan.

Áhmiyetlisi, joybar arqalı basqa millet wákilleri qaraqalpaq tilin de úyreniwi múmkin.

Ilajda studentler ózlerin qızıqtırǵan sorawlarǵa juwaplar aldı.