Búgin, 18-sentyabr kúni Ájiniyaz atındaǵı Nókis mámleketlik pedagogikalıq institutında doktorantura, tayanısh doktorantura basqıshlarında oqıp atırǵan hám stajyor-izleniwshilikte ilimiy-izertlew jumısların alıp barıp atırǵan izleniwshiler menen ushırasıw bolıp ótti.

Ushırasıwdı instituttıń ilimiy isler hám innovaciyalar boyınsha prorektorı R.Eshmuratov alıp bardı.

Ilajda Innovaciyalıq rawajlanıw agentligi tárepinen joqarı bilimlendiriwden keyingi bilimlendiriw institutı jumıslarınıń nátiyjeliligi monitoringin úyreniw boyınsha dúzilgen jumısshı topar aǵzaları B.Shamuratov hám Sh.Hasanovlar doktorant-izleniwshiler menen sáwbetlesiw ótkerdi.

Sáwbetlesiw barısında izleniwshiler ilimiy-izertlew jumısların alıp barıw, maqalalar járiyalaw, dissertaciyalardı jazıw hám rásmiylestiriw processlerinde orın alıp atırǵan mashqalalar boyınsha óz pikir-usınısların bildirip, sorawlarına qánigelerden tiyisli juwaplar aldı.

Jumısshı topardıń úyreniw jumısları dawam etpekte.

NMPI baspasóz xızmeti.