1-oktyabr – Muǵallimler hám ustazlar bayramı múnásibeti menen Ájiniyaz atındaǵı Nókis mámleketlik pedagogikalıq institutında birqatar mádeniy ilajlar, tańlawlar, sport jarısları hám basqa da bayram ilajları bolıp ótpekte.

Bayram qarsańında kóp jıllar institutta jumıs islep, jaslar tálim-tárbiyasına úlken úleslerin qosqan nuranıy ustazlardıń halınan xabar alıw sawaplı is esaplanadı.

Instituttıń Tábiyǵıy pánler fakulteti zoologiya, adam morfofiziologiyası hám onı oqıtıw metodikası kafedrasınıń professorı, biologiya ilimleriniń doktorı, belgili ustaz Báwetdin Allamuratov búgingi kúnde húrmetli demalısta.

Institut rektoratı hám fakultet dekanatı wákilleri bayram múnásibeti menen nuranıy ustazdıń úyine barıp, bir kese chay ústinde sáwbetlesip, hal-jaǵdayınan xabar aldı.

Ustazǵa bayram sawǵaların tapsırıp, pátiyasın aldı.

Institutta bayramǵa arnalǵan ilajlar dawam etpekte.

NMPI baspasóz xızmeti.