1-oktyabr – Muǵallimler hám ustazlar bayramı múnásibeti menen Ájiniyaz atındaǵı Nókis mámleketlik pedagogikalıq institutında professor-oqıtıwshılar hám pedagog xızmetkerler arasında shaxmat, shashka hám mini futbol boyınsha jarıslar baslandı.

Jarıslardıń ashılıw máresiminde institut sport klubı baslıǵınıń orınbasarı Atabay Erejepov sózge shıǵıp, barlıq professor-oqıtıwshılar, pedagog xızmetkerler, muǵallim hám ustazlardı kásiplik bayramı menen qutlıqlap, olardıń mashaqatlı hám maqtanıshlı jumıslarında tabıslar tiledi.

Bunnan soń instituttıń tájiriybeli professor-oqıtıwshılarınan dúzilgen tóreshiler quramı aǵzaları basshılıǵında sport jarıslarına start berildi.

Jarıs juwmaqları boyınsha jeńimpazlar hám sıylı orın iyelerine institut kásiplik awqamı komiteti tárepinen estelik sawǵaları tapsırıladı.

NMPI baspasóz xızmeti.