Ájiniyaz atındaǵı Nókis mámleketlik pedagogikalıq institutında «Muynak Tour» juwapkershiligi sheklengen jámiyeti baslıǵı Amina Begjanova hám «TexnoPOS IT Academy» oqıw orayınıń baslıǵı Talǵat Qalabaevlar qatnasıwında «Isbilermen hám jaslar» ushırasıwı bolıp ótti.

Ilajǵa instituttıń Baslawısh tálim jáne Súwretlew óneri hám texnologiyalıq tálim fakultetleriniń student-jasları, professor-oqıtıwshıları hám tyutorları qatnastı.

Ushırasıwda «Doslıq» ordeniniń iyesi, «Tashabbus» tańlawınıń respublikalıq basqıshı jeńimpazı, «Belsendi isbilermen» kókirek belgisiniń iyesi Amina Begjanova ózi basshılıq etip atırǵan turistlik firmanıń jumısları, onıń shólkemlestiriliwi, elimizde isbilermenlikti, sonıń ishinde, tarawda hayal-qızlardıń belsendiligin qollap-quwatlaw baǵdarında ámelge asırılıp atırǵan jumıslar haqqında maǵlıwmat berdi.

Jas isbilermen Talǵat Qalabaev sońǵı jıllarda elimizde informaciyalıq texnologiyalar tarawı jedel pátlerde rawajlanıp, jańa kásip túrleri payda bolǵanlıǵı, onıń basshılıǵındaǵı oqıw orayı jaslardı usınday kásiplerge úyretiwde óz tájiriybelerine iye ekenligin atap ótti.

Ushırasıwda jaslar isbilermenlerdiń jumısları, aldaǵı jobaları haqqındaǵı sorawlarına juwaplar aldı.

NMPI baspasóz xızmeti.