Aldın xabar bergenimizdey, Ájiniyaz atındaǵı Nókis mámleketlik pedagogikalıq institutında 1-oktyabr – Muǵallimler hám ustazlar kúni bayramı múnásibeti menen professor-oqıtıwshılar hám pedagog xızmetkerler arasında shaxmat, shashka hám mini futbol boyınsha jarıslar shólkemlestirildi.

Mini futbol boyınsha jarısta 1-orındı Dene mádeniyatı, 2-orındı Sırtqı bilimlendiriw bólimi, 3-orındı Fizika-matematika fakulteti komandaları iyeledi.

Jarıslardıń juwmaqlarına baǵıshlanǵan sıylıqlaw máresiminde sózge shıqqanlar barlıq professor-oqıtıwshılardı bayram menen qutlıqladı.

Jarıslarda jeńimpaz bolǵan, sıylı orınlardı iyelegen hám belsene qatnasqanlar institut kásiplik awqamı komiteti tárepinen sıylıqlandı.

Mini futbol jarısı jeńimpazı bolǵan Dene mádeniyatı fakulteti komandasına «Rektor kubogi» tapsırıldı.

Institutta bayramǵa arnalǵan ilajlar dawam etpekte.

NMPI baspasóz xızmeti.