Ájiniyaz atındaǵı Nókis mámleketlik pedagogikalıq institutında Ziyrek studentlerdiń ilimiy-izertlew jumısların shólkemlestiriw bólimi tárepinen «Bolajaq alım» hám «Akademiyalıq háreketsheńlik» joybarları boyınsha seminar-trening bolıp ótti.

Ilajdı bólim baslıǵı Q.Tashanov kiris sózi menen ashıp berdi.

Seminar-treningde «Scince Time» elektron jurnalınıń menedjeri Ixtiyorbek Norov, sonday-aq, instituttıń tayanısh doktorantı Zoya Sársenbaeva student-jaslarǵa ilimiy maqala, tezisler jazıw, olardı xalıqaralıq tán alınǵan jurnallarda járiyalaw boyınsha ámeliy túsinikler berdi.

Sonıń menen birge, instituttıń «Jaslar akademiyası» aǵzaları jas ilimpazlardı tayarlaw hám olardıń baslamaların qollap-quwatlaw baǵdarında islenip atırǵan jumıslar, aldaǵı jobalar haqqında bayanatlar jasadı.

Ilaj student-jaslar menen pikir almasıwlar hám soraw-juwaplar menen dawam etti.

NMPI baspasóz xızmeti.