Búgin, 5-oktyabr kúni Ájiniyaz atındaǵı Nókis mámleketlik pedagogikalıq institutında «Bes baslama olimpiadası» sheńberinde voleybol hám mini futbol boyınsha fakultetler aralıq jarıslarǵa start berildi.

Jarıslardıń ashılıw máresiminde institut sport klubı baslıǵınıń orınbasarı Atabay Erejepov sport jarıslarınıń studentler arasında salamat turmıs tárizin úgit-násiyatlawdaǵı áhmiyeti haqqında atap ótip, barlıq qatnasıwshılarǵa áwmet tiledi.

Solay etip, erler arasında mini futboldan, erler hám student-qızlar arasında voleybol boyınsha jarıslar baslandı.

Institutta «Bes baslama olimpiadası» sheńberinde 5-6-oktyabr kúnleri voleybol hám mini futbol, sonday-aq, 9-10-oktyabr kúnleri stol tennisi, stritbol hám jeńil atletika boyınsha fakultetler arasında jarıslar ótkeriliwi belgilengen.

NMPI baspasóz xızmeti.