Ájiniyaz atındaǵı Nókis mámleketlik pedagogikalıq institutında «Bes baslama olimpiadası» sport jarısları sheńberinde stritbol boyınsha erler hám student-qızlar arasında fakultetler aralıq jarıs shólkemlestirildi.

Jarısqa barlıq fakultetlerden komandalar qatnastı.

Solay etip, oǵada qızǵın túrde ótken jarıs juwmaqları boyınsha erler arasında:

1-orın – Dene mádeniyatı fakulteti;
2-orın – Fizika-matematika fakulteti;
3-orın – Tábiyǵıy pánler fakulteti;

Qızlar arasında:

1-orın – Dene mádeniyatı fakulteti;
2-orın – Fizika-matematika fakulteti;
3-orın – Shet tilleri fakulteti komandalarına nesip etti.

Jeńimpaz komanda jarıstıń joqarı oqıw orınları arasında bolıp ótetuǵın basqıshına jollama aldı.

Jeńimpaz hám sıylı orın iyelerine institut sport klubı tárepinen diplom hám medallar tapsırıldı.

Esletip ótemiz, institutta «Bes baslama olimpiadası» sport jarısları sheńberinde 10-oktyabr kúni stol tennisi boyınsha jarıslar bolıp ótedi.

NMPI baspasóz xızmeti.