Jaslar awqamı Qaraqalpaqstan Respublikası Keńesi baslaması menen jaslar arasında huqıqıy sawatlılıqtı arttırıw, jańalanǵan konstituciya hám nızamshılıqtaǵı ózgerisler menen jaqınnan tanıstırıw maqsetinde joqarı oqıw orınları student-jasları arasında «Biz, jaslar huquqbuzarlıq hám jınayatshılıqqa qarsımız!» súreni tiykarında «Jaslar hám nızam» tańlawı ótkerildi.

Ulıwma 3 shártten ibarat bolǵan jarıs juwmaǵında:

1-orındı Ájiniyaz atındaǵı Nókis mámleketlik pedagogikalıq institutınıń «Ǵárezsizlik jasları» komandası;

2-orındı Ózbekstan mámleketlik kórkem óner hám mádeniyat institutı Nókis filialınıń «Renessans jasları» komandası;

3-orındı Qaraqalpaqstan medicina institutınıń «Gippokrat» komandası iyeledi.

Jeńimpazlar hám belsene qatnasqanlar Jaslar awqamı Qaraqalpaqstan Respublikası Keńesi tárepinen diplom hám estelik sawǵaları menen sıylıqlandı.