Ájiniyaz atındaǵı Nókis mámleketlik pedagogikalıq institutı Mektepke shekemgi tálim fakultetinde «TOP-10 innovator» hám «Ideaton – Uzbekistan 2030» tańlawınıń fakultet basqıshı bolıp ótti.

Tańlawdıń ashılıw máresiminde fakultet dekanı M.Allambergenova, mektepke shekemgi tárbiya hám defektologiya kafedrasınıń baslıǵı A.Bekimbetovalar sózge shıǵıp, barlıq qatnasıwshılarǵa áwmet tiledi.

Ziyrek studentler menen islesiwge juwapker oqıtıwshı A.Tájimuratov tańlawdıń shártleri hám bahalaw kriteriyaları haqqında maǵlıwmat berdi.

Solay etip, tańlawda studentlerden Z.Boranbaevanıń «Mayıplıǵı bolǵan hayal-qızlardı jámiyetke qosıw arqalı psixologiyalıq túskinlikke túsiwiniń aldın alıw», B.Nuratdinovanıń «Qońırat rayonında jasaytuǵın ayrıqsha bilimlendiriwge hám reabilitaciyalıq proceduralarǵa mútáj bolǵan balalar bilimin jetilistiriw», B.Qodirovanıń «Modern Education», M.Erejepbaevanıń «Kózi ázzi balalar bilimin audio kitaplar arqalı rawajlandırıw», M.Orazbaevanıń «Zamanagóy mektepke shekemgi bilimlendiriwdi shólkemlestiriw», U.Abılbaevanıń «IT texnologiyası arqalı balalardı interaktiv rawajlandırıw», S.Mátenovanıń «Quwraǵan ósimliklerge ekinshi ómir beriw arqalı olardıń órtep jiberiliwiniń aldın alıw» atamalarındaǵı joybarları «TOP-10 innovator» tańlawınıń institut basqıshına jollama aldı.