Ájiniyaz atındaǵı Nókis mámleketlik pedagogikalıq institutı Dene mádeniyatı fakultetiniń 2-kurs studenti Gúlimxan Orınbaeva usı jıldıń 12-15-oktyabr kúnleri aralıǵında Tájikstannıń Xojend qalasında 18-20 jaslı palwanlar arasında belbewli gúres boyınsha ótkerilgen Jáhán chempionatında 48 kilogramm salmaq kategoriyasında sıylı 3-orındı iyelep, qola medalın qolǵa kirgizdi.

Búgin, 16-oktyabr kúni Gúlimxan Orınbaeva Nókis temir jol vokzalında institut hám fakultet basshıları, professor-oqıtıwshılar, studentler, respublikamızdıń sport tarawı, keń jámiyetshilik hám ǵalaba xabar quralları wákilleri qatnasıwında saltanatlı túrde kútip alındı.

Ilajda sózge shıqqanlar sportshını qolǵa kirgizgen tabısları menen qutlıqlap, sawǵaların tapsırdı.

NMPI jámááti Gúlimxan Orınbaevanı Jáhán chempionatındaǵı joqarı nátiyjesi menen qutlıqlap, aldaǵı oqıwlarında, jarıslarda áwmet tileydi!

NMPI baspasóz xızmeti.