Ájiniyaz atındaǵı Nókis mámleketlik pedagogikalıq institutı Baslawısh tálim fakultetinde ijarada jasaytuǵın student-jaslar qatnasıwında órt qáwipsizligi boyınsha kórgizbeli seminar shólkemlestirildi.

Fakultet dekanınıń hayal-qızlar máseleleri boyınsha másláhátshisi S.Palvaniyazova baslaması menen ótkerilgen ilajda Nókis qalalıq Ayrıqsha jaǵdaylar bólimi ekinshi órt-qutqarıw bólimshesi smena baslıǵı, aǵa leytenant T.Kalxorazov hám fakultet tyutorları tárepinen turaq jaylarda, sonıń ishinde, ijara úylerinde órt qáwipsizligi qaǵıydalarına qatań ámel etiw, gazden záhárleniwdiń aldın alıw, jılıtıw qazanların gúz-qıs máwsimine tayarlaw, órt hám ayrıqsha jaǵdaylar júz bergende ámelge asırılatuǵın birlemshi háreketler haqqında kórgizbeli túrde túsinikler berildi.

Sonday-aq, ilaj sheńberinde studentler menen soraw-juwaplar ótkerilip, órt qáwipsizligi qaǵıydaları haqqında tayarlanǵan videorolik jaslardıń názerine usınıldı.

Ilajda studentler órt qáwipsizligi xızmetiniń arnawlı quralları, ásbap-úskeneleri menen tanısıp, keń túrde maǵlıwmatlarǵa iye boldı.

Institutta usı baǵdardaǵı úgit-násiyat jumısları dawam etpekte.

NMPI baspasóz xızmeti.