Ózbekstan Respublikası Joqarı bilimlendiriw, ilim hám innovaciyalar ministrliginde «InnoWeek-2023» xalıqaralıq innovaciyalıq ideyalar hápteligi sheńberinde dúnya júzilik reyting shólkemleri tárepinen «TOP-1000» dizimge kirgizilgen Qazaqstan Respublikasınıń 50 ge shamalas abıroylı joqarı oqıw orınlarınıń delegaciyaları aǵzaları qatnasıwında «Ózbekstan-Qazaqstan» bilimlendiriw forumı bolıp ótti.

Forumda Evraziya milliy universiteti rektorı Erlan Sıdıkov, Qazaq milliy agrar izertlew universiteti rektorınıń orınbasarı, basqarma baslıǵı Pirimqul Ibragimovlar sózge shıǵıp, eki mámleket arasındaǵı qarım-qatnasıqlar barlıq tarawlar qatarında joqarı bilimlendiriwdi de óz ishine qamtıp alǵanlıǵı, sonıń ishinde, sońǵı jıllarda Ájiniyaz atındaǵı Nókis mámleketlik pedagogikalıq institutı menen eki tárepleme birge islesiwdiń rawajlanıp atırǵanın ayrıqsha atap ótti.

Ilajda ilimiy-pedagogikalıq baǵdarda birge islesiwdi jetilistiriw, professor-oqıtıwshılar arasında tájiriybe almasıw, studentler almasıwın jolǵa qoyıw, qospa tálim baǵdarlamaların jolǵa qoyıw máseleleri dodalandı.

Forum sheńberinde L.N.Gumilyov atındaǵı Evraziya milliy universiteti rektorı E.Sıdıkov, Qubla Qazaqstan mámleketlik pedagogikalıq universiteti rektorı G.Súgirbaeva hám Ájiniyaz atındaǵı Nókis mámleketlik pedagogikalıq institutı rektorı wazıypasın waqıtsha atqarıwshısı Q.Qodirov joqarı oqıw orınları arasında birge islesiw boyınsha shártnamalarǵa qol qoydı.

NMPI baspasóz xızmeti.